: –
: –
: –
: –
: –
: –
: –
: –
: –
Sumário
Tebe mak dansa tradisionál ne’ebé akompaña nia rítmu bazeia ba kantiga sira ne’ebé bele komunika mensajen ba malu entre individu ida ho seluk, grupu ida ho grupu seluk ne’ebé hola parte iha animasaun ida. Tebe ne’e mos bele akompaña ho instrument múzika sira hanesan tambor, gong, lakadou no seluk tan. Tebe tradisionál sira akontese ema kaer liman ba malu, iha forma sírkulu ka aliñadu, haksoit no hakat-ain ka tebe tuir batida instrument múzika sira ka resitasaun kantiga sira.
Tebe iha espesifisidade oi-oin depende ba serimónia ka ritual tradisionál ida-idak. Nune’e, iha tebe ba halo atividade laboral sira, hanesan tesi-ai, dada-ai, suku-uma, kolleta ai-han ita to’os ka natar no atividade seluk tan. Iha mos tebe balun ba ritual espesial sira hanesan boul-udan, hapara-udan, ka hapara tempestade ruma. Tebe ba simu bainaka, tebe ba festa popular nos eluk tan.
Iha komunidade ka grupu etnolinguístika ida sira iha tebe ho karakterisk propria ba atividade oi-oin. Ema Timoroan karakteriza nu’udar povu ida ne’ebé kulturalmente unida, sosialmente alegre no iha laran luak tebe atu tulun malu. Nune’e iha atividade saida de’it mak sira hasoru difikuldade ruma, sira sei kaer liman hamutuk hodi tebe no hananu kantiga hamutuk.